ﻣﺠﺎﺩﻋﺔ شعرية ﺑﻴﻦ ﺍﻟﻨﻮﻛﻴﺎ 3310 ﻭﺍﻟﺠﻼﻛﺴﻲ s4

ﺍﻝ 3310 ﻗﺎﻝ
ﻗﺒﻞ ﺍﻇﻬﺮ ﺯﻣﺎﻥ .. ﺍﻻﻣﺔ ﻛﺎﻥ ﻣﻨﻜﻮﺑﺔ
ﻟﻮ ﻋﺎﻳﺰ ﺍﺗﺼﺎﻝ ﺩﺍﻳﻤﺎً ﺗﻼﻗﻲ ﺻﻌﻮﺑﺔ
ﺟﻴﺖ ﺷﺎﻳﻞ ﺍﻟﻔﺮﺡ ﺑﻲ ﻃﻠﺘﻲ ﺍﻟﻤﺤﺒﻮﺑﺔ
ﻗﺒﺎﻝ ﺍﻟﺠﻼﻛﺴﻲ ﻭﻣﺎﺭﻛﺘﻮ ﺍﻟﻤﻀﺮﻭﺑﺔ
...
ﺍﻝ s4 ﻗﺎﻝ
ﻧﻐﻤﺔ ﻣﺪﻭﺯﻧﺔ ﻭﻭﺍﺿﺤﺔ ﻭﻣﻼﻧﺔ ﻋﺬﻭﺑﺔ
ﻛﺎﻣﻴﺮﺍﺕ hd ﻣﺘﺠﻬﺰﺓ ﻭﻣﻨﺼﻮﺑﺔ
ﻣﺎﺭﻛﺔ ﻣﻄﻮﺭﺓ ﻭ ﻣﺘﺴﺠﻠﺔ ﻭﻣﻜﺘﻮﺑﺔ
ﺍﺳﻜﺖ ﻳﺎ ﻗﺪﻳﻢ ﻭﺍﻭﻋﻲ ﺍﻟﻐﻠﻂ ﻳﺎ ( ﻃﻮبه )
...
ﺍﻝ 3310 ﻗﺎﻝ
ﻃﻮﺑﺔ ﻭﻋﻨﺪﻱ ﻣﻴﺰﺓ ﻭﻣﺎ ﺍﻇﻨﻬﺎ فيكا
ﺑــﻄﺎﺭﻳﺘﻲ ﻣﻤــــــﻜﻦ ﺑﺎﻟﺸﻬﻮﺭ ﺗﻜﻔﻴﻜﺎ
ﺍﻟﻌﻨﺪﻙ ﺿﻌﻴﻔﺔ .. ﺗﺴﻴﺢ ﻣﻊ ﺍﻟﻤﺰﻳﻜﺎ
ﻣﻤﻜﻦ ﻛﻞ ﺩﻗﻴﻘﺔ ﺗﺠﻮﻁ ﻭﺗﺴﻤﻊ ﺳﻴﻜﺎ
...
ﺍﻝ s4 ﻗﺎﻝ
ﻋﺎﺟﺒﺎﻧﻲ ﻭﺟﻤﻴﻠﺔ ﻭﻳﺎﺥ ﺷﻨﻮ ﺍﻟﻬﺎﺭﻳﻜﺎ
ﻏﻴﺮﺍﻥ ﻣﻨﻲ ﺩﺍﻳﻤﺎً ﻭﻣﺎﻓﻲ ﺯﻭﻝ ﻃﺎﺭﻳﻜﺎ
ﺗﻠﻔﻮﻥ ﻣﻨﺘﻬﻲ ﻭﺍﺿﺤﺖ ﻧﻬﺎﻳﺘﻮ ﻭﺷﻴﻜﺔ
ﻣﻔﻘﻮﺩﺍﺕ ﻧﺼﻮﺻﻮ ﻭﻛﻞ ﺭﺳﺎﻳﻠﻮ ﺭﻛﻴﻜﺔ
...
ﺍﻝ 3310 ﻗﺎﻝ
ﺳﻬﻠﺘﺎ ﺍﻟﺼﻮﺭ ﻭﺍﻟﻌﺎﺩﺓ ﻏﻴﺮ ﻣﺤﻤﻮﺩﺓ
ﺳﻠﺒﻴﺎﺕ ﻣﻜﻮﻣﺔ ﻭﺍﻟـﻤﻴﺰ ﻣﻌﺪﻭﺩﺓ
ﺍﻻﻋﺼﺎﺏ ﺑﻘﺖ ﻣﺘﻮﺗﺮﺓ ﻭﻣﺸــﺪﻭﺩﺓ
ﻗﺎﺻﺪ ﺗﺒﻘﻲ ﻣﺠﺮﻡ ﻭﻻ ﻣﺎ ﻣﻘﺼﻮﺩﺓ
...
ﺍﻝ s4 ﻗﺎﻝ
ﻣﺎ ﺟﺒﺖ ﺍﻟﺠﺪﻳﺪ ﻭﺍﻟﺨﺼﻠﺔ ﻓﻴﻚ ﻣﻌﻬﻮﺩﺓ
ﻣﺎﺭﻛﺎﺕ ﺍﻟﺠﻼﻛﺴﻲ ﺍﻟﻤﻦ ﺯﻣﺎﻥ ﻣﺤﺴﻮﺩﺓ
ﻳﺎ ﺍﻟﺴﺎﺩﺓ ﺍﻟﻤﺰﻋﻤﻂ ﻭﺯﺍﻛﺮﺗﻚ ﻣﺤﺪﻭﺩﺓ
ﻓﻲ ﺍﻻﻟﻌﺎﺏ ﻧﻬﺎﻳﺘﻚ ﻳﺎ ﺣﺒﻴﺐ ﻓﻲ ﺍﻟﺪﻭﺩﺓ
..
ﺍﻝ 3310 ﻗﺎﻝ
ﻳﺎﻫﺎ ﺍﻟﺘﻜﻨﻠﻮﺟﻴﺎ ﺍﻟﻠﻴﻠﺔ ﺷﻔﻨﺎ ﺣﺼﺎﺩﺍ
ﺍﻋﺮﺍﺽ ﺍﻻﺳﺮ ﻭﺩ ﻋﻴﻦ ﻛﺎﻣﻴﺮﺗﻚ ﺻﺎﺩﺍ
ﺷﻔﻨﺎﻫﺎ ﺍﻟﻤﻬﺎﺯﻝ ﻭﺷﻔﻨﺎ ﺍﺳﺘﺮﺻﺎﺩﺍ
ﻳﺎ ﺣﻠﻴﻞ ﺍﻟﺴﻴﻮﻑ ﺍﻝ ﻟﻠﺮﺅﻭﺱ ﺣﺼﺎﺩﺓ
..
ﺍﻝ s4 ﻗﺎﻝ
ﻳﺎﻫﺎ ﺍﻟﺘﻜﻨﻠﻮﺟﻴﺎ ﺍﻟﻤﺎ ﻭﻗﻔﺘﺎ ﻗﺼﺎﺩﺍ
ﻭﺍﺻﻼ ﻣﻦ ﺯﻣﺎﻥ ﺍﻟﻐﻴﺮﺓ ﻓﻴﻜﻢ ﻋﺎﺩﺓ
ﺗﺸﻨﻴﻔﻚ ﺑﺸﻮﻓﻮ ﺑﺤﺪ ﺯﺍﺗﻮ ﺣﺴﺎﺩﺓ
ﺑﺲ ﻳﺎﻫﻮ ﺍﻟﻔﻀﻞ ﻳﺸﺘﻤﻨﻲ ﺗﻠﻔﻮﻥ ﺳﺎﺩﺓ
..
ﺍﻝ 3310 ﻗﺎﻝ
ﺳﺎﺩﺓ ﺍﻟﺼﻔﺤﺔ ﻓﺎﺿﻴﺔ ﻭﻣﺎﻓﻲ ﻓﻴﻬﺎ ﺟﺮﺍﻳﻢ
ﻭﻣﺎ ﺩﺍﻳﻤﺎً ﺷﻐﺎﻝ ﻃﻮﻝ ﺍﻟﺰﻣﻦ ﻭﺍﻟﺘﺎﻳﻢ
ﻳﺎ ﺍﻟﺸﺎﻳﻞ ﺍﻟﺠﻼﻛﺴﻲ ﻭﺑﺎﻟﻤﻬﺎﺯﻝ ﻫﺎﻳﻢ
ﺭﺑﻨﺎ ﺑﺴﺄﻟﻚ ﻋﻦ ﻛﻞ ﻣﻘﻄﻊ ﺣﺎﻳﻢ
..
ﺍﻝ s4 ﻗﺎﻝ
ﻣـــﺎﻟﻚ ﻳﺎ ﺍﺧﻮﻱ ﺍﻟﻠﻴﻠﺔ ﻧﻔﺴﻚ ﻗﺎﻳﻢ
ﻣﺎ ﻣﻠﻴﺎﻥ ﺑﻼﻭﻱ ﻭﺇﻻ ﻓﻴﻨﻲ ﺑﺮﺍﻳﻢ
ﺗﺎﺭﻳﺨﻚ ﻣﻼﻥ ﻣﻦ ﺍﻟﺠﻼﻛﺴﻲ ﻫﺰﺍﻳﻢ
ﺍﻛﺘﺐ ﻋﻦ ﺧﺼﺎﻳﺼﻚ ﻭﺍﻭﻋﻲ ﺗﻌﻤﻞ ﻧﺎﻳﻢ
...
ﺍﻝ 3310 ﻗﺎﻝ
ﻛﻠﻤﺔ ﺍﺧﻴﺮﺓ ﺟﺪﺍً ﻣﻦ ﺍﺧﻮﻙ ﺍﻟﺸﺎﻳﺐ
ﺩﺍﻳﺮ ﺗﺒﻘﻲ ﺭﺍﻛﺰ ﻭﻣﺎ ﺑﺪﻭﺭﻙ ﺧﺎﻳﺐ
ﻟﻮ ﺩﺍﻳﺮ ﻧﻜﻮﻥ ﺍﺧﻮﺓ ﻭﺻﺤﺎﺏ ﻭﺣﺒﺎﻳﺐ
ﺍﻣﺴﺢ ﻛﻞ ﻣﺼﻴﺒﺔ ﻭﻛﻞ ﺩﻣﺎﺭ ﻭﻫﺒﺎﻳﺐ
...
ﺍﻝ s4 ﻗﺎﻝ
ﻳﺎ ﻋﻤﻲ ﺍﻟﺘﻄﻮﺭ ﺳﻮﻱ ﻟﻴﻬﻮ ﺩﺭﺍﻳﺐ
ﻭﺍﻟﻜﺎﻣﻴﺮﺍ ﺍﻟﻤﻔﻴﺪﺓ ﺍﻛﻴﺪ ﻣﻌﺎﻫﺎ ﻣﺼﺎﻳﺐ
ﺍﻟﺰﻭﻝ ﺍﻟﺒﻌﻴﺪ ﻋﻦ ﺍﻟﺪﻳﺎﺭ ﺍﻟﻐﺎﻳﺐ
ﺍﺻﺒﺢ ﺑﻠﻘﻲ ﺍﻫﻠﻮ ﻭﻧﺎﺳﻮ ﺑﺎﻻﺳﻜﺎﻳﺐ
==
ﻭﺍﻧﺘﻬﺖ ﺍﻟﻤﺠﺎﺩﻋﺔ ﺑﻌﻨﺎﻕ ﺣﺎﺭ ﺑﻴﻦ ﺍﻟﻨﻮﻛﻴﺎ ﻭﺍﻟﺠﻼﻛﺴﻲ